Ülvira Qarayevanın ARB-dən getməyinin səbəbi
Tarix: 14-02-2018, 16:15


Tanınmış teleaparıcı Ülvira Qarayevanın ARB-dən getməsinin səbəbi bəlli olub.
Yenicag.az-ın etibarlı mənbədən əldə etdiyi məlumata görə, aparıcı yeni internet televiziyası yaradır və elə buna görə də ARB-dəki işindən ayrılıb.
Yaxın günlərdə fəaliyyətə başlayacaq televiziya üçün hazırda işçilər yığılır.
Əməkdaşları Ülvira Qarayevanın özü seçir.
Qeyd edək ki, aparıcı ARB-dən getməsi ilə bağlı bu günlərdə sosial şəbəkədə özü məlumat verib:
“ARB TV-nin “Günə son” verilişi sevimlilərim siyahısına yazıldı, format, dekor və imkanlar baxımından mənim üçün seçildi və nə yaxşı ki, ARB-də işləmək şansım oldu. Bütün iş yoldaşlarıma – qırğınla efirə çıxdığım, sonra dostlaşdıqlarıma, ilk gündən səmimi olduqlarıma – hər kəsə təşəkkür edirəm. Kimisi mənə yenidən saflığı, kimisi yaxşılığa doğru dəyişmək potensialını göstərdi. Ümumi şəkildə olanların və olmayanların hamısının mənim üçün yeri başqadı”.

Paylaş: