Aytən Səfərova sənət adamlarını adbaad TƏNQİD ETDİ
Tarix: 18-12-2017, 15:23


Tanınmış televiziya və radio aparıcısı Aytən Səfərova son günlər sənət adamları arasında baş verən qalmaqallara münasibət bildirib.
"Ölkə.Az"ın məlumatına görə, aparıcı onları barışığa və həmrəyliyə dəvət edib:
"Müğənnilər! Bəsdir bir-birinizə təhqirlər yağdırdınız. Ayıbdır! Təranə Qumral-Nazənin, Röya-Nigar-İradə, Tolik-Rəhim. Vallahi, böyüyən nəslə örnək olmaq, həmrəy olmaq əvəzinə bir-birinizi qırırsınız. Kənardan bu, çox pis görünür. Hər birinizin ayrı-ayrılıqda hörmətiniz, on minlərlə pərəstişkarınız var. Onların arasında mənim qızım kimi yeniyetmələr də mövcuddur. Hansı saytı açırsan - gah əri bölüşdürə bilməriblər, gah paltar söhbəti gedir, gah biri digərindən şou-biznesdə üstün olmasını nümayiş etdirib öz eqosunu sakitləşdirir və s. Bir-birinizə düşmən kəsilməyin. Bir düşmənimiz var - mahnılarımızı özününküləşdirən erməni. STOP artıq. Böyüklüyünüzü göstərin. Qarşıdan həmrəylik günü gəlir..."
Qeyd edək ki, A.Səfərova aktiv sosial şəbəkə istifadəçisidir və mütəmadi olaraq həm sosial problemlər, həm də sənət aləmində baş verənlərə münasibətini açıqlayır.

Paylaş: