Lətifə Soyuöz ailəsini dağıdan qadını tapdı: “Ərimin səhvi idi”
Tarix: 23-06-2017, 09:22


Müğənni Lətifə Soyuözün Türkiyə vətəndaşı olan əri Dəniz Soyuözlə boşanmasından bir il ötür. 

Ulduzumsan.Az-ın məlumatına görə, sənətçi "ARB Ulduz"un "Şou məkan" verilişinə açıqlamasında ayrılması ilə bağlı bəzi məqamları açıb. O bildirib ki, boşanmasına səbəb xəyanət olub:

“Boşandıqdan sonra həyatımda bircə o dəyişdi ki, şəxsiyyət vəsiqəmdə “ailəli” sözü daha yazılmır. Nə insanlara, nə özümə qarşı davranışım, nə də həyat tərzim dəyişdi. Əyləncəli və ciddi tərəfimlə necəydimsə, elə də qalmışam. Kədərləndiyim məqamlar oldu. Güvən hissimi itirdim. Sonra düşündüm ki, insanlara güvənmək lazımdır. Kimdəsə alınmayıbsa, ikinci dəfə də ailə qura bilər. 

Ailəmin dağılmasına səbəb olan həmin qadının kimliyi mənə maraqlı idi. Ortada 10 illik bir ailə həyatım var idi. Onu tapdım. Gördüm ki, heç də peşman olmamalıyam, üzülməyimə dəyməz. Düşünürəm ki, bu, həyat yoldaşımın bir səhvi idi. Mən ona xoşbəxtlik arzulayıram. Çünki xoşbəxt olmağa layiq bir insan idi. Bizdə alınmadı”.
  

    

Paylaş: