"Bizim müğənnilər niyə kasıb olmalıdırlar ki?"
Tarix: 30-11-2017, 12:21


Əməkdar artist Nüşabə Ələsgərli 4 milyonluq evinin olması, əməliyyat etdirməsi barədə yayılan xəbərlərə münasibət bildirib. 
“Qafqazinfo” xəbər verir ki,müğənni ona tez-tez mədə əməliyyatı keçirdiyini deyənlərə "Şou-məkan" verilişində cavab verib:
“Sosial şəbəkələrdə bilirlər ki, varam, orda mənə yazırlar ki, mədə kiçiltməsi eləmisiz, niyə gizlədirsiniz? Arıqlamağınızın səbəbini deyin də! Mən də gülürəm, deyirəm ki, hə doğurdan, hardan tapdız, Türkiyədə mədə kiçiltməsi etdirmişəm. Ancaq elə deyil, etdirməmişəm. Eləsəm də, camaatdan gizlətməyin nə mənası var ki? Mən buna normal baxıram. Artıq çəkilərdən xilas olmaq istəyən qadın, gözəl görünmək istəyən qadın estetik əməliyyta da müraciət edəcək, mədə əməliyyatı da keçirəcək”.
Müğənni son zamanlar haqqında yayılan “varlı müğənni”, “milyonluq evi olan sənətçi” söz-sözbətlərinə də aydınlıq gətirib:
“Bizim müğənnilər niyə kasıb olmalıdırlar ki? Bəyəm, belə olmalıdır? Bu qanunu kim yazıb ki, müğənnilər kasıb olmalıdır. Hamı kimi onlar da əziyyət çəkirlər, qazanc arxasınca qaçırlar. Bizim qazancımız toy məclislərindən gəlir. Nə xoş mənim və kolleqalarım halına ki, kimsə özəl günündə Nüşabəni, Mələkxanımı, Mətanəti, Ruhəngizi, Brilliant xanımı görmək istəyir”.
Qeyd edək ki, prodüser Tarix Əliyev Xəzər TV-də Nüşabə Ələsgərlinin evi barədə açıqlama vermişdi:
“Onun Bakının elə bir yerində evi var ki, o evin bəlkə də, 4 milyon qiyməti var”.





Paylaş: