Azərbaycanlı aktrisanın çəkiliş vaxtı qolu sındı
Tarix: 16-11-2017, 12:45



Gənc Tamaşaçılar Teatrının aktrisası, Səbinə Məmmədovanın başına iş gəlib.
Yeniçag.az-ın əldə etdiyi məlumata görə, ATV kanalında yayımlanan “Ogey ana” filmində Cəmilə obrazını canlandıran aktrisa çəkiliş zamanı xəsarət alıb. Pilləkəndən yıxılan aktrisanın qolu sınıb. Təcili xəstəxanaya aparılan Səbinənin qolu gipsə salınıb.

Tədbirlərin birində fotokameramıza tuş gələn aktrisa nədənsə, hadisəni danaraq, evdə yıxıldığını dedi:
“Qolum evdə sınıb. Amma “Ogey ana” filminin ssenarisində də yıxılmaq səhnəsi vardı. Elə oldu ki, üst-üstə düşdü. Sümük hələ bitişməyib. Gördüyünüz kimi qolum gibsdədir”.

Qeyd edək ki, ssenariyə görə, nənəsi Cəmiləni itələyir, o da pilləkənlərdən yıxılır. Sözügedən səhnəni oynayan zaman isə aktrisanın qolunda heç bir sarğı olmayıb.





Paylaş: