"Fədayənin anası, bacıları, oğlu gözüyaşlıdır"
Tarix: 8-11-2017, 12:47


Müğənni Nadir Qafarzadə həbsdə olan müğənni Fədayə Laçının ailəsinə baş çəkib. 
UlduzumSan.Az-ın məlumatına görə, ifaçı həmkarlarına dəstək olub: "Manaf Ağayevlə Fədayə Laçının ailəsinə baş çəkdik. Onların bu saat mənəvi dəstəyə çox ehtiyacları var. Onlara diqqət lazımdır. Anası, bacıları, oğlu gözüyaşlıdır. Bir çoxunuz gedib o ailəyə baş çəksəniz, yaxşı olar. Həm mənəvi, həm də maddi dəstək ola bilərsiniz. Fədayə bu gün həbsdədirsə, deməli ailəsi əziyyət çəkir”.
Qeyd edək ki, Fədayə Laçın “Qoca” ləqəbli avtoritet Etibar Məmmədovun həbsdən qaçmasına yardım etməkdə günahlandırılaraq həbs edilib. “Qoca” polislə atışma nəticəsində aldığı güllə yarasından dünyasını dəyişib.

Paylaş: