ABŞ-a köçən “Dəyirman”çı: “Mərkəzdə kütləvi iğtişaşlar var”
Tarix: 3-06-2020, 12:26



“Çox adam narahatdır, yazır, zəng edir. Bizdə hər şey yaxşıdır”.
Oxu.Az xəbər verir ki, bu sözləri ABŞ-a köçən, “Dəyirman” qrupunun keçmiş üzvü Elmir Məhərrəmov sosial media hesabında yazıb.
O, 46 yaşlı afroamerikalı Corc Floydun öldürülməsindən sonra ABŞ-ın bir neçə bölgəsində başlayan etiraz aksiyaları səbəbi ilə sənətçi və onun ailəsindən narahatlıq keçirənlərə müraciət ünvanlayıb:
“Mərkəzdə bəzi yerlərdə kütləvi iğtişaşlar var. Allaha şükür ki, biz tərəflərdə sakitlikdir. Buna baxmayaraq, bir həftəlik komendant saatı elan olunub”.




Qeyd edək ki, E.Məhərrəmov ailəlidir və iki övladı var. O, 2018-ci ildə “Greencard” qazanaraq ailəsi ilə ABŞ-a köçüb. Hazırda E.Məhərrəmov “Mass Appeal” adlı məşhur media şirkətində çalışır. 

Paylaş: