Müslüm Maqomayev adına Beynəlxalq müsabiqə təxirə salındı
Tarix: 16-05-2020, 10:28



Vokalçıların Müslüm Maqomayev adına VI Beynəlxalq müsabiqəsi koronavirus pandemiyasına görə təxirə salınıb.
Sputnik Azərbaycan Müslüm Maqomayev Mədəni-Musiqi İrsi Fondunun saytına istinadən xəbər verir ki, bununla əlaqədar olaraq, müsabiqəyə ərizələrin qəbulunun 15 sentyabr 2020-ci il tarixinədək uzadılmasına dair qərar qəbul edilib. Müsabiqənin dəqiq tarixi yaxın vaxtlarda dərc olunacaq.


Sovet İttifaqının qızıl səsi: Bakıda Maqomayevin xatirəsini yad etdilər


Xatırladaq ki, Vokalçıların Müslüm Maqomayev adına Beynəlxalq müsabiqəsi 9 və 10 oktyabr 2020-ci il tarixlərində Moskvada keçirilməli idi.
Bu müsabiqə qabiliyyət, istedad və sənətkarlığını həm klassik, həm də estrada repertuarında göstərmək imkanı olan vokalçıların yaradıcılığına baxışdır. Müsabiqədə təşkilat komitəsinə ərizə, müvafiq sənəd və videomaterial təqdim etmiş 20-35 yaş arasında olan xüsusi musiqi təhsilinə malik ifaçılar, yaxud ali musiqi məktəblərinin və kolleclərinin tələbələri iştirak edə bilərlər.
Müsabiqənin münsiflər heyətinin tərkibinə aparıcı opera solistləri, populyar musiqi ulduzları, dirijorlar, musiqi teatrlarının rejissorları, beynəlxalq prodüser şirkətlərinin nümayəndələri daxildir.
Müsabiqənin əsasnaməsinə əsasən, I, II və III yerlər üçün müvafiq olaraq qızıl, gümüş, bürünc medallar, eləcə də 15 min, 10 min, 5 min ABŞ dolları və laureat adları nəzərdə tutulur.

Paylaş: