Mixail Boyarski səhnədən getdiyini elan edib
Tarix: 19-11-2019, 12:56

Mixail Boyarski səhnədən getdiyini elan edib

Rusiyanın Xalq artisti Mixail Boyarski səhnədən getdiyini elan edib.
APA-nın iz.ru saytına istinadən verdiyi xəbərə görə, o, 70 yaşının yaxınlaşması ilə əlaqədar bu fikrə gəldiyini deyib.
Aktyor artıq qocaldığını və həkimlərin qayğısına daha çox ehtiyacı yarandığını bildirib.
M.Boyarski dekabrın 26-da 70 illik yubileyini qeyd edəcək. Lakin o, doğum günlərini keçirməyi sevmədiyini və tez keçib getməsini arzuladığını diqqətə çatdırıb. 
Aktyor təqaüdə çıxandan sonra nəvələrinə daha çox diqqət ayırmağı düşündüyünü vurğulayıb. 
Aktyor M.Boyarski 1949-cu ildə Sankt-Peterburqda anadan olub. O, daha çox “Dartanyan və üç muşketyor”, “Böyük oğul” filmlərindəki rolları ilə tamaşaçıların rəğbətini qazanıb.

Paylaş: