Polislər məşhur müğənninin villasına gecəyarı basqın etdi
Tarix: 2-08-2019, 10:03



Müğənni Sıla Gençoğlu sevgilisi Hazer Armani ilə Bodrumda kirayələdiyi villada dostlarına qonaqlıq verib.
Publika.az Türkiyə mətbuatına istinadən xəbər verir ki, müğənninin gecə evindən gələn səs-küy və yüksək musiqi səsi qonşuları hiddətləndirib. Altı yoldaşıyla birlikdə hovuz başında əylənən və musiqinin səsini sonuna qədər açan Sıla qonşuların xəbərdarlığına məhəl qoymadan əylənməyə davam edib. Qonşuların polisə şikayəti ilə evə gecəyarı polis gəlib və onların ifadələrini alıb.
Qeyd edək ki, Bodrumda jurnalistlərin təqibində olduğunu anlayan aşpaz Hazer Armani təşviş keçirib. İddia olunur ki, Gençoğlu və məşhur aşbaz kameralara yaxalanmamaq üçün bütün gün evdən çölə addım belə atmır.








Paylaş: