Bəxtiyar Qaracaya AzTV-də yüksək vəzifə verildi
Tarix: 5-02-2019, 11:40



Tanınmış telejurnalist, şair-publisist Bəxtiyar Qaraca yenidən Azərbaycan Dövlət Televiziya və Radio Yayımları Şirkətinə (AzTV) qayıdaraq böyük vəzifəyə təyin edilib.
AzNews.az-a bu haqda məlumat AzTV-dən verilib.
Adının çəkilməsini istəməyən mənbə bildirib ki, Bəxtiyar Qaraca Müəllif Proqramları departamentinə rəhbərlik edəcək. Bu vaxtadək həmin vəzifədə çalışan Nigar Qarayeva isə AzTV-də başqa işə keçib.
Qeyd edək ki, Bəxtiyar Qaraca uzun müddət AzTV-də Gənclik redaksiyasının baş redaktoru olub. 2006-cı ildə Arif Alışanovun gəlişindən sonra bir çox əməkdaşlar kimi o da işdən uzaqlaşdırılıb. Ancaq 10 il sonra 2016-cı ilin fevralında Bəxtiyar Qaraca onu işdən çıxaran Arif Alışanovun əmri ilə Mədəniyyət kanalına direktor müavini təyin edilib.
Bir müddətdən sonra məlum olmayan səbəbdən yenə də vəzifəsindən kənarlaşdırılıb.
Tanınmış jurnalistin AzTV-yə dünənki qayıdışı isə sayca ikinci hesab edilir.

Paylaş: