Əməkdar artist: “Evli kişi hisslərinə nəzarət etməlidir”
Tarix: 11-10-2018, 17:11



ATV-də yayımlanan “Vicdan haqqı” serialının Kamili, Gəncə Dövlət Dram Teatrının aktyoru, əməkdar artist Elxan Yunis serialda yaratdığı obrazdan danışıb.

Yenicag.az-a açıqlama verən aktyor serialdan fərqli olaraq həyatda bir xanımının olduğunu bildirib:
“Serialda canlandırdığım Kamil ikili sevgi yaşayır və iki qadınla evlənir. Buna görə də problemlərlə qarşı-qarşıya qalır. Əlbəttə ki, bu bir obrazdır. Həyatda bir həyat yoldaşım var və ona sadiqəm. İkili sevginin əleyhinəyəm, olmaz. Evli insan kiməsə aşiq olursa, günah sayılır, Bu Allah qarşısında günaha yazılır. Düşünürəm ki, ailəsi olan kişi hisslərinə nəzarət etməlidir”.

Paylaş: