“Kontrabas” Rusiya səhnəsində ölkəmizi təmsil edəcək
Tarix: 30-08-2017, 11:58


Azərbaycan Dövlət Gənc Tamaşaçılar Teatrı beynəlxalq festivala qatılacaq. GTT-nin aktyoru, əməkdar artist Şövqi Hüseynov Sputnik Azərbaycan-a deyir ki, onların iştirak edəcəyi festival Rusiyanın Nijnevartovsk şəhərində “Şimal görüşləri” V Beynəlxalq Teatr Festivalıdır:“Festivalda Patrik Züskindin “Kontrabas” mono-tamaşası ilə səhnəyə çıxacam. “Kontrabas”1998-ci ildə səhnəyə qoyulub. O zamandan bəri bir çox festivallarda olub. Köhnə sovet ölkələrində, Türkiyədə, İranda səhnəyə qoyulub və bir çox mükafatlara layiq görülüb. Tamaşa Azərbaycan və rus dilində oynanılır” –deyə o bildirib. Qeyd edək ki, "Kontrabas" tamaşası indiyədək İran, Türkiyə, Moldova, Rusiya və Ukraynada keçirilən beynəlxalq teatr festivallarında mükafatlara layiq görülüb.

Paylaş: